Finde den folgenden Gegenstand beim Surfen auf Blickamabend.ch und gewinne tolle Preise!
Suche starten
Du hast den Gegenstand gefunden! Klicke auf Mitmachen und nehme am Gewinnspiel teil.
Mitmachen

Gimmas Welt

19.04.2016 181 Reax
teilen
teilen
18 shares

I han das gschriiba inera Tropanacht

Rapper Gimma.

2015, Juli, i kann nid schlofa well i schwitza. I duscha welli schwitza, sogar bim sitza. I luag übermüadet Fernseh und schriib belanglosi Mails nebabii. Bsuach liaber selta, well bi dena Temperatura küahlt a halbs Bett au nu schu as ganzes Fenschter. Temperaturproblem werdend klarer usformuliarbar, ma hät plötzlich a Eskimo-Wortsammlig a la «Schnee» aber für «Hitzeleida in tropischa Summernächt». Ma wird zu dera Hitzewand im Innerschta vum Buuch.

Eigentli schlofi im Summer besser. Glaubi zumindest. In Ibiza machi also locker paar Stund Siesta jeda Viartel-Tag. Dafür goht's zu da absurdischta Ziita irgendwo an a Party. Egal ob am 9i wettsch nocham Zmörgala oder Käterla go eins in dr Zentrala neh oder ama Strand Mitternachts-Yoga bevorzugsch zu Trance, hey, alles geht.

Läck i kann nüma. Dia Hitz sitzt in mina Muskla und i fühla mi menstruativ. As will nid so wias söll und aswia schiinend Hormon durchus im Kreis vu da Verdächtiga z'verkehra. Öppert muas jo tschuld sii.

In minera Wohnig isch im Summer z'heiss (und im Winter bitterkalt). Das passt mr no guat. Hät a gwüssi Regelmässigkeit. Konstanz. Nur wenn's a Summer git wia dä 2015, werdi noch 3 Monat Hitz langsam mürbe, well jo wia gsait an Schlof khum z'denka isch und i abgseh davo jo no akli schaffa, nebaher, zu viel. Ma wird akli greizt.

Früaner hani immer denkt, Kälti segi z'schlimmsta, wo eim passiara kann, ima Schlofzimmer. Dia Meinig hani also revidiart. As isch wesentlich astrengender, bis z'Nacht am 3 wach ir stehenda Luft brutzla und am 7i schuwider gweckt werda - aber nid vum Wecker, sondern dr Sunna, da Vögel und da Temperatura. Jo, i finda das au akli sissig. Isch nid so, dasi das uf irgend an Art wetti verurteila oder dr Emo usahänka, aber ganz ehrlich, wo's das Johr im September so richtig fesscht abaküahlt hät mim Schiff und Sturm, isch mer z'Herz ufganga. Vu eim Tag uf dr ander hät mini Schlofphasa wieder wunderprächtig funktioniart, mini Luuna isch ufganga.

Weg so kliina Sacha wianem Wetter. Do weiss ma wider, dass ma ir Erschta Welt lebt, wenn dia gröscht Sorg isch, a paar Stunda weniger Qualitäts-Nacht z'ha. Alta. Das isch doch beschämend, eigentli.

Neujohrsvorsatz: nüma über's Wetter motza!

teilen
teilen
18 shares
Wie findest du den Artikel?

Unsere Leser empfehlen

Meist gelesen

Bilder des Tages