Finde den folgenden Gegenstand beim Surfen auf Blickamabend.ch und gewinne tolle Preise!
Suche starten
Du hast den Gegenstand gefunden! Klicke auf Mitmachen und nehme am Gewinnspiel teil.
Mitmachen

Sex am Abend

05.06.2018 63 Reax
teilen
teilen
0 shares

«De Sexentzug macht mich kaputt»

Caroline Fux ist Psychologin und Co-Autorin der Bücher «Guter Sex» und «Was Paare stark macht».

 

Will mini Frau (34) sehr wenig Luscht hed, hämmer höchstens einmal pro Wuche Sex. Das hed sich trotz enere gmeinsame Sexualtherapie und enere Therapie, wo mini Frau ellei gmacht hed, nöd veränderet. Je weniger Sex mir händ, desto grösser werded min Fruscht und min Drang. Mini Frau seid, dass sie das spüürt und dass es sie abstoosst. Ohni Sex chani ich nöd schlafe, und ich bin zu nüüd motiviert. Bin ich eigentlich dee, wos Problem hed? Muess ich mich behandle lah? Philipp

 

Liebe Philipp

Dini Frau und du händ bis jetzt mit em Konzept gschaffed, dass es a ihrer wenige Luscht liihd, dass es euch, oder besser gseid dir, ned guet gahd. Ihr händ ganz vill Ziit und Energie inveschtiert, zum ihri Sexualität mit dinere in Iiklang zbringe. Glunge isch das aber ned.

Dass du jetzt bereit bisch, de Fokus uf dich zrichte, büütet s Potenzial für en positivi Veränderig. Gliichziitig würded ihr mit demm aber scho wieder mit de Idee schaffe, dass mit eim vo euch beide öppis falsch isch, wo mer muess zrächtbüüge, damit ihr chönd glücklich sii.

Verbünded euch gege üches Problem, nämlich üchi Unterschiedlichkeit, statt üchi Art jewils als Uuslöser vom Problem zbetrachte. Das mag als Unterscheidig spitzfindig tööne, oft sinds aber genau so chliini Veränderige i de Betrachtigswiis, wo bi verhertätä Fronte wieder Spielruum für Veränderige schaffed.

Gönn dir en Sexualberatig. Erforsch det dini sexuelle Gschicht und tue d Art und Wiis durlüüchte, wie d Luscht uf Sex diis Glück diktiert. Sex schiint für dich de wichtigschti Wäg zsii, zum dich mit dir und dim Körper wohl z fühle. Du chasch immensi Freyheite gwünne, wenn du au anderi Heragehenswiise kännsch und läbsch. Gliichziitig hilfts eu, dass de Sex, won ihr händ, au wieder cha luschtvoller werde.

teilen
teilen
0 shares
Wie findest du den Artikel?

Unsere Leser empfehlen

Meist gelesen

Bilder des Tages