Finde den folgenden Gegenstand beim Surfen auf Blickamabend.ch und gewinne tolle Preise!
Suche starten
Du hast den Gegenstand gefunden! Klicke auf Mitmachen und nehme am Gewinnspiel teil.
Mitmachen

Spezialnummere auf Dialäkt: 10 Jahr «Blick am Abig»

Hüt fiirt de «Blick am Abig» sin zähte Geburtstag – wie immer uf Schwiizertüütsch. Das sind d Höhepünkt. Die ganze Gschichte gits im ePaper.

106 Reax , 797 Views
teilen
teilen
0 shares

--> S ePaper chammer da abelade! <--

1.  D Mundartqueen us em Lokal-Fernseh

Es Sprachtalänt vor der Kamera: Jeannette Eggenschwiler. play
Es Sprachtalänt vor der Kamera: Jeannette Eggenschwiler. Remo Bernet

Händ sie scho mal s Wätter uf TeleZüri glueged - und nachher uf TeleBärn. Beides mal wirds vo de Jeannette Eggenschwiler präsentiert. Aber eimal i perfäktem Züritüütsch, s andermal i perfäktem Berntüütsch. Mir händ bi de Ex-Frau vom Peach Weber nagfrööged und usegfunde, dass sie sogar FÖIF Dialäkt flüssend beherrscht. Eusem Tom Wyss hät sie verzellt wieso. Obe im Video git sie es paar Müschterli zum Beschte. Meh im ePaper...

2. David Degen: «Ych bi immer no Single»

En Basler am Zürisee: De David Degen mit eusere erschte Nummere. play
En Basler am Zürisee: De David Degen mit eusere erschte Nummere. Anja Wurm

Am 2. Juni 2008 isch de «Blick am Abig» zum erschte Mal erschine. Mit em Fuessballnati-Star David Degen als Coverboy. De arm Tropf hät dänn wäge enere Verletzig nöd chönne a de Euro 08 debi si. Drum hämmer em Basler es Date gsuecht. Zäh Jahr schpöter hät euse Fuessball-Chef Andreas Böni nagfröged, wies momentan i Sache Liebi uusgseet. Meh im ePaper...

3. Peitsche-Peer, Poschtchartefluet und es Black-out

«Der hässliche Deutsche»: De Peer Steinbrück luegt «sini» Titelsiite a (mit em Hannes Britschgi). play
«Der hässliche Deutsche»: De Peer Steinbrück luegt «sini» Titelsiite a (mit em Hannes Britschgi). Philippe Rossier

Meischtens vergönd News schnäll. Eusi Bettina Widmer hät es paar Pünkt zämegschtellt, wo eus in Erinnerig blibe sind. Segeds Familie, wo dank eusere Single-Rubrik gründet worde sind. E Poschtcharte-Fluet als Uufmunterig a die behinderti Denise. Eusi villbeachteti Frontsiite mit em Peer Steinbrück als «Hässlichem Tüütsche». Oder s einzige Mal i de Gschicht vom «Blick am Abig», wo mir nöd usechoo sind - wäge emene Stromusfall am 21. Januar 2012 i de Stadt Züri. Meh im ePaper...

4. Kei Ahnig vo Raclette? Dänn gits kein rote Pass!

Verzellt kän Chäs: Der David Lewis erchlärt eusem Jan Krumnacker sis «Raclette-Gate». play
Verzellt kän Chäs: Der David Lewis erchlärt eusem Jan Krumnacker sis «Raclette-Gate». Thomas Meier

De David Lewis (43) isch hässig uf sini Wohngmeind Freiebach am Zürisee, seit er eusem Journalist Jan Krumnacker. De gebürtig Ängländer isch dur d Iibürgerigs-Befrögig grasslet, well er zwenig Ahnig über Raclette gha hät und nöd gwüsst hät, was Capuns sind. Sini Gmeind seit jetzt aber, das seged nöd die einzige Gründ xsi. Meh im ePaper...

5. Gumel und hejbsch,  Gugummara und Pfipfoltra

«Pfipfoltra»: S Lieblingswort vo de CVP-Nationalrätin Viola Amherd. play
«Pfipfoltra»: S Lieblingswort vo de CVP-Nationalrätin Viola Amherd. Keystone

Momentan isch in Bern grad Session. Euse Florian Wicki hät drum bi zäh Politiker nagfrööged, was ihri jewilige Lieblingsdialäktwörter sind. Dadebi isch er uf überraschendi Begriff gstosse. So hät biischpiilswiis d CVP-Nationalrätin Viola Amherd us em Wallis «Pfipfoltra» gwählt – das heisst i de Üsserschwiiz Summervogel oder Schmätterling. Meh im ePaper...

6. D Schwiiz im Härz, aber nöd uf de Zunge

Bisst sich am Schwiizertüütsch es bitzli d Zäh us: D Ina Bauspiess, BLICK-Mitarbeiterin us Tüütschland. play
Bisst sich am Schwiizertüütsch es bitzli d Zäh us: D Ina Bauspiess, BLICK-Mitarbeiterin us Tüütschland. Philippe Rossier

Scho über zäh Jahr läbt d «Blick»-Mitarbeiterin Ina Bauspiess i eusem Land. Eigetlich isch si total guet integriert - nur bim Schwiizertüütsch hät die gebürtig Kölnerin Hemmige. Grund isch en blöde Tipp, wo sie churz nach ihrere Aakunft überchoo hät. Meh im ePaper...

7. «De Sexentzug macht mich kaputt»

Weiss jede Tag Rat: Caroline Fux. play
Weiss jede Tag Rat: Caroline Fux. Geri Born

Au eusi Sexberaterin Caroline Fux macht natürli bi eusere Spezialnummere mit. I de hüttige Folg hilft sie em Philipp, wo nüme schlafe chan, well ihn sini Frau links liege laat. Meh im ePaper...

8. «Wenn sie afoht z redä, muss i abschaltä»

Provoziert mit ihrem Dialäkt: D Bachelorette Adela us Basel. play
Provoziert mit ihrem Dialäkt: D Bachelorette Adela us Basel. 3+

D Bachelorette Adela Smajic provoziert vili Zuschauer – wäge ihrem Basler Dialäkt. Die einte wännd «abschalte», die andere «chönd nöd zuelose». D Adela nimmts locker: «Baseldytsch isch dr scheenschti Dialäggt», seit sie zu eusem People-Redakter Remo Bernet. Meh im ePaper...

9. Openair-Style, immer geil

Guet aazoge a jede Konzert: D Tipps vo eusne Profis. play
Guet aazoge a jede Konzert: D Tipps vo eusne Profis.

 

Vom Openair St. Galle übers Greenfield bis zu Moon & Stars. Summerziit isch Feschtival-Ziit. Drum hät eusi Lifestyle-Redaktion es paar Tipps zämegschtellt, damit du am nächschte Konzert e gueti Falle machsch. Meh im ePaper...

10. Packet Sie öpis a, wo Ihne würklich am Herze liit

Vo Wassermaa bis Chräbs: Au s Horoskop isch in Mundart. play
Vo Wassermaa bis Chräbs: Au s Horoskop isch in Mundart.

 

Natürli sind vom «Single vom Tag» übers «Schatzchäschtli» bis zum «Horoskop» hüt au alli Rubrike uf Mundart. Meh im ePaper...

Drum fiired mir uf Schwiizertüütsch

Herzliche Dank, liebi Läserinne und Läser

Sit zäh Jahr xseht mer nur ei Farb, wämmer am Abig mit em Zug, em Bus oder em Tram heifaart – brumbeer! Dadefüür tanked mir Ihne herzlich! Mit de hüttige Spezial-Geburi-Nummere wänd mir das mache, was mir jede Tag sit em 2. Juni 2008 versueched: Sie über d Tagesaktuelität z informiere – und Sie au es bitzeli z unterhalte. Hüt bruched Sie echli länger Ziit zum Läse als susch. Well traditionell schriibed mir a eusem Geburtstag in Dialäkt. Und zwar jede vo eusne Journalischte so, wie ihm oder ihre de Schnabel gwachse isch. Uf d Idee simmer übrigens cho, wo d Uhrefirma Swatch ihre Gschäftspricht au uf Schwiizertüütsch usepracht hät. Das isch vor über föif Jahr xsi, und mir findeds immer na e bäumige Idee. Schliesslich redet mir ja de ganz Tag Mundart, und so e Nummere hilft, sich der schöne Schwiizer Eigeheit na bewusst z werde.

Thomas Benkö,
stv. Chefredakter «Blick am Abig»

Wie findest du den Artikel?

Unsere Leser empfehlen

Meist gelesen

Newsletter

Erhalte die besten Geschichten täglich per E-Mail Newsletter Abonnieren